Sem nemandi í grunnskóla lærði ég
að maðurinn væri eina skepnan
sem stundaði kynlíf sér til skemmtunar
og sú eina sem notaði verkfæri
(þó ekki endilega í tengslum við kynlíf).

Í dag skilst mér að allar skepnur ríði líka
just for the fuck of it
og maðurinn er sá eini sem notar verkfæri
til að búa til önnur verkfæri.

Heilar kynslóðir á undan mér skeggræddu
um hvernig verkfæri búa til stéttaskiptingu
Ég hef þó meiri áhuga á að vita hvernig
verkfæri breyta hugsun okkar.

Fyrir mörgum er raftónlist einhæf
raftónlistarmenn vinna í töflureiknum
hljóðin eru merkt inn í reiti sem smellpassa

upp á millisekúndu

Fara þeir að hugsa eins og verkfærin?
Eiga verkfærin hlut í sköpuninni?

Taktur:

Hlusta á taktinn í heild:

Ég hugleiddi þetta þegar ég hitti ljóðskáld
sem sat fyrir framan fartölvu með Word
og smellti á

enter        bilstöng og                 tab

,,Hvað ertu að gera”
                             spur
                                   ði ég

Í Word snúa allir stafirnir eins -
unnið er með stafi, orð, efnisgreinar og blaðsíður
orðarunurnar stefna alltaf í sömu átt -

til hægri
og niður blaðsíðuna.

Kannski
eiga öll ljóð að vera þannig og
Kannski
vilja ljóðskáld hugsa í stöfum,
efnisgreinum og blaðsíðum –
alltaf í sömu átt

til hægri
og niður blaðsíðuna.

Það ætti að vera gott
fyrir alla að hugleiða
hvernig verkfærin
eiga hlut í sköpuninni.

Ég sagði vini mínum að
teikna ljóðið upp með blýanti
hann starði á mig og spurði:

Jón Örn Loðmfjörð
Skrifað í Microsoft Word þann 26/11/2007. HTMLað 10/01/2008.