Dömur mínar og herrar, þá er komið að því! Eftir margra mánaða yfirlegu rísa Tregawöttin upp úr djúpinu að nýju og völlurinn er meiri en nokkru sinni fyrr! Eitt sinn birtust stakar færslur óreglulega - en nú koma heilu tölublöðin með tveggja mánaða fyrirvara, og nýtt þema og nýr ritstjóri í hvert sinn. Fyrsta tölublaðinu ritstýrði Eiríkur Örn Norðdahl með þemanu „Leikur“ - því næsta ritstýrir Jón Örn Loðmfjörð með þemanu „Usli“ (hægt er að senda Jóni efni hið snarasta á jonorn@gmail.com) og er von á því þann 1. desember næstkomandi.
28 aðilar koma að fyrsta tölublaðinu - þar af tvær hreyfingar og fjöldinn allur af útlendingum (í þýðingu og sinni eigin heimatilbúnu íslensku) og íslendingum á hinum ýmsustu tungumálum (við erum múltíkúltí).
Smellið hér fyrir herlegheitin.
Efnisyfirlit gæti litið svona út:
Ritstjóraspjall: EÖN útskýrir markmið sín í ritstjórastól
Útláísl: a.rawlings, Marko Niemi, Derek Beaulieu, Jon Høyer, Anonyme Breve, Hugh Thomas og Gary Barwin skrifa orginal texta á íslensku, hvert með sínu eigin nefi (án þess að kunna málið).
Áræði: Áræðishópurinn sýnir brot úr bókverki sínu, hinni umskrifuðu Á bláþræði.
Danskt lípógram: Hugh Thomas yrkir án danskra bókstafa.
Garðskálinn: Herra Vídalín og herra Loðmfjörð ræða leikaraskap.
Ævintýri sjúklegu stelpunnar: Brot úr bók Unu Bjarkar Sigurðardóttur.
Viðtal við Steinar Braga.
Pípari ástarinnar: Haukur Már Helgason og Bryndís Björgvinsdóttir stunda kyngervisusla.
For Susanna: Mansöngur HMH á ensku, þýsku og íslensku.
Hefnd skálds og gagnrýnanda: Ritgerð eftir Charles Bernstein.
Iceland Report on the Observance of Standards and Codes: Hljóð&myndljóð eftir Eirík Örn Norðdahl.
Úr Húðlitri auðn Kristínar Eiríksdóttur í danskri þýðingu Ninu Sos Vinther.
Flarf: Ljóð eftir Linh Dinh. K. Silem Mohammad, Ritu Dahl, Nödu Gordon, Shönnu Compton, Sharon Mesmer, Stan Apps og Rodney Koeneke.
Opið bréf til Georges Bataille: Kári Páll Óskarsson.
3 ljóð eftir Kára Tulinius.
Smellið hér fyrir herlegheitin.
Sex erlend skáld og tólf íslensk lesa í ljóðapartíum á Smíðaverkstæði Þjóðleikhússins og taka þátt í umræðum með Birnu Bjarnadóttur og Ármanni Jakobssyni í Norræna húsinu á Fjórðu alþjóðlegu ljóðahátíð Nýhils. Glæsilegt þýðingarit verður gefið út samhliða hátíðinni, sem fer fram 22.-24. ágúst næstkomandi.
Fjórða alþjóðlega Ljóðahátíð Nýhils verður haldin hátíðleg dagana 22.-24. ágúst í Norræna húsinu og á Smíðaverkstæði Þjóðleikhússins. Dagskrá hátíðarinnar er með eindæmum metnaðarfull, en sex erlend skáld koma sérstaklega til landsins í tilefni hennar. Þau munu lesa upp á ljóðapartíum og taka þátt í pallborðsumræðum með íslenskum kollegum sínum.
Fyrir allri skemmtan er góð ástæða, helst aldarafmæli!
Í tilefni af aldarafmæli Ólympíuþátttöku Íslendinga blæs skátahreyfingin Nýhil til ljóðveislu á Næsta bar klukkan 20:30 miðvikudagskvöldið 18. júní. Kvöldið er haldið sérstaklega til heiðurs glímukappanum Guðmundi Sigurjónssyni Hofdal, þátttakanda á Ólympíuleikunum í London 1908 og eina Íslendingnum sem dæmdur hefur verið fyrir sódómíu.
Ýmis ung og öfugsnúin skáld stíga á stokk og hylla lífsvilluna. Þau eru:
Kristín Eiríksdóttir,
Ingólfur Gíslason,
Kristín Svava Tómasdóttir,
Jón Örn Loðmfjörð,
Bergþóra Einarsdóttir,
Gísli Hvanndal
og Arngrímur Vídalín.
Á tímum þegar ráðamenn fórna höndum, þegar Öryggisráð virðist skipta öllu máli, og þegar matar- og bensínverð vex samhliða græna litnum, er ekkert sem stöðvar skáldin í að bjóða upp á ókeypis menningu. Skáldafélagið Nykur stendur fyrir þéttri og öflugri ljóðadagskrá næstkomandi sunnudagskvöld, 18. maí, á efri hæð Barsins (með stóru b-i). Á boðstólum eru reynd skáld, hálfreynd skáld og fersk skáld; sannkölluð blóðljóðablöndun.
Nykurskáld:
Emil Hjörvar Petersen
Guðmundur Óskarsson
Halla Gunnarsdóttir
Oddur Sigurjónsson
Sigurlín Bjarney Gísladóttir
Sverrir Norland
Toshiki Toma
Gestaskáld:
Ísak Harðarson
Kristján Ketill Stefánsson
Skáldskapurinn hefst kl. 21:00 og verið öll velkomin!
Þorsteinn frá Hamri er 70 ára á þessu ári auk þess sem 50 ár eru liðin frá útkomu fyrstu ljóðabókar hans. Af þessu tilefni flytur Hjalti Rögnvaldsson leikari ljóð Þorsteins í Iðnó, mánudagana 31. mars, 7. 14. og 21. apríl.
Dagskrá:
Mánudaginn 31. mars
kl. 17 Í SVÖRTUM KUFLI (1958)
kl. 19 TANNFÉ HANDA NÝJUM HEIMI (1960)
kl. 21 LIFANDI MANNA LAND (1962)
kl. 23 LANGNÆTTI Á KALDADAL (1964)
kl. 01 JÓRVÍK (1967)
Jónína Leósdóttir rithöfundur hlaut Ljóðstaf Jóns úr Vör fyrir ljóð sitt „Miðbæjarmynd“ í árlegri ljóðasamkeppni lista- og menningarráðs Kópavogs. Jónína Leósdóttir er sjötti handhafi verðlaunanna frá stofnun samkeppninnar árið 2002. Verðlaunaafhendingin fór fram við hátíðlega athöfn í Salnum, Tónlistarhúsi Kópavogs, að kvöldi afmælisdags Jóns úr Vör, 21. janúar.
Til stendur að gefa út bókina Af steypu hjá Nýhil, sem kemur út í Afbókaseríunni. Bókinni Af steypu er ætlað að fjalla um efnisleika ljóðlistarinnar í samtímanum, á víðum grunni, til dæmis konkret-ljóðlist, myndljóðlist, hljóðljóðlist, og ljóðlist sem notast við „fundið tungumál“, eða „afmyndað tungumál“, og sértæka aðferðafræði eða hömlur við skriftir. Leita ritstjórar að þýðingum á slíkum ljóðum - bæði hefðbundnum og róttækum (t.d. hómófónískum eða aðferðafræðilegum) - sem og frumsömdu efni af slíkum toga. Þá er einnig leitað að frumsömdum og þýddum greinum, um afmarkað efni eða almennt, innan þema, og tillögum að birtingu ljóða á frummáli (t.d. myndljóða). Hafi einhver áhuga á að leggja hönd á plóg með þýðingar, er rétt að hafa samband við ritstjórana, Eirík Örn Norðdahl og/eða Kára Pál Óskarsson, og annað hvort benda á greinar/verk sem þið mynduð vilja þýða, eða spyrja hvaða greinar/verk bíða þýðingar, en þegar er búið að velja nokkuð af erlendum greinum og verkum til birtingar. Kári Páll Óskarsson (kpo@hi.is) og Eiríkur Örn Norðdahl (kolbrunarskald@gmail.com)
Til heiðurs jólunum efnir Nýhil til upplestrarkvölds í samstarfi við Súfistann, kaffihúsið á upphæðum Bókaverslunar Máls og menningar, Laugavegi 18, klukkan 20:00 þriðjudagskvöldið 18. desember. Troða þar troða upp tveir ritstjórnarmeðlimir Tregawattanna, Ingólfur Gíslason og Hildur Lilliendahl. Að auki láta aðventuljós skína Gísli Hvanndal, Una Björk Sigurðardóttir og hljómsveitin Palindrome.
