Ch 16
Flauelsormurinn er silkimjúkur að utan, fallegt flauelsskinnið sem hann dregur nafn sitt af er mjúkt viðkomu og hann er undrafagur ásýndum. Flauelsormurinn lokkar til sín skordýr sem þrá ekkert heitara en mökun á fengitímanum. Þetta slungna kvikindi læsir svo oddhvössum vígtönnum sínum djúpt í æxlunarfæri fórnarlambsins og sýgur allt sæðið burt. Í stað sæðisins spýtir flauelsormurinn banvænu eitri í sárin sem sýkir dýrin miskunarlaust. Í snýkjudýrinu 1. Agapanthus rientalis/umbellatus breiðist eitrið út í meltingarveginn og í örverur í meltingarveginum. Þegar Agapanthus ræðst svo á dýr þar á meðal Homo Sapiens dreifast þessar örverur um blóðrásina og valda ástandi eða heilkenni sem nefnt hefur verið Adonis röskun, en er oft ruglað saman við ofsóknarbrjálæði. Þekkt hliðarverkun ástandsins er svokölluð ormapíka.
Farvegur 
Út er komin önnur ljóðabók Gísla Þórs Ólafssonar, Aðbókin. Sem fyrr teiknaði Óli Þór Ólafsson kápumyndina. Hægt er að panta bókina með því að senda póst á thorgillon@gmail.com
Út er komin hjá Bjarti bókaforlagi ljóðabókin söngur steinasafnarans eftir Sjón. Sjón, (f. 1962), er ljóðskáld og sagnahöfundur sem hóf feril sinn með útgáfu ljóðabókarinnar Sýnir, sumarið 1978. Á níunda áratugnum var hann í fararbroddi þeirra ungu skálda sem leituðust við að endurnýja íslenska ljóðlist með tækjum súrrealismans. Jafnframt því að hafa gefið út ellefu ljóðabækur hefur Sjón ritað söngtexta, líbrettó, kvikmyndahandrit og sex skáldsögur. Hann var tilnefndur til Óskarsverðlauna fyrir einn söngtexta sinna í kvikmyndinni Dancer in the Dark, og fyrir skáldsöguna Skugga-Baldur hlaut hann bókmenntaverðlaun Norðurlandaráðs árið 2005.
Ágætir landsmenn.
- fréttatilkynning frá Bjarti -
Út er komin ljóðabókin „Hlaupár” eftir Þór Stefánsson. Í bókinni eru 366 hækur, jafnmargar og dagarnir í hlaupárinu. Það er því tilvalið fyrir lesendur að fara með eina hæku út í hvern dag næsta árið. Bókinni er skipt í fjóra kafla eftir árstíðunum.